వైసీపీ నేత గెదెల శ్రీనుబాబుపై ఈడీ దృష్టి !
2019కి ముందు జనసేన పార్టీలో కీలకంగా వ్యవహరించిన గేదెల శ్రీనుబాబు తర్వాత పార్టీ ఫిరాయించారు. వైసీపీలో చేరారు. ఆయన కంపెనీలపై ఉన్న ఆరోపణలు అన్నీ ఇన్నీ కావు. ఇప్పుడు ఆయన ఇల్లు, కార్యాలయాలపై ఈడీ దాడులు నిర్వహిస్తోంది. పల్సెస్ గ్రూపుకు సీఈవోగా వ్యవహరిస్తున్న గేదెల శీనుబాబు యువతకు శిక్షణ ఇస్తామని..అంతర్జాతీయ పరిశోధకుల ద్వారా వివరాలు తెలుసుకుని ఫార్మా జర్నల్స్‌ను ప్రచురిస్తున్నామని చెుబతూంటారు.
విదేశాల నుండి ఆంధ్రప్రదేశ్, తెలంగాణలో ఉన్న కార్యాలయాలకు భారీగా నగదు లావాదేవీలు జరిగినట్లుగా ఈడీ గుర్తించింది. ప్రివెన్షన్ ఆఫ్ మనీలాండరింగ్ యాక్ట్ కింద కేసు నమోదు చేసి ఈడీ టీమ్ సోదాలు నిర్వహిస్తోంది.పల్సెస్ కంపెనీలపై చాలా ఆరోపణలు ఉన్నాయి. పరిశోధనాత్మక ఆర్టికల్స్ పత్రికలకు అమ్ముతూ ఉంటాయి. కానీ పరిశోధన మాత్రం ఆ ఆర్టికల్స్‌లో ఉండదు. ఎలాంటి పరిశోధనల్లేకుండా… కనీస పరిశీలన లేకుండా.. ప్రముఖ పరిశోధకుల పేర్లు వాడుకుని… ఆరోగ్య , సామాజిక రంగంలో ఫేక్ రిపోర్టులను సృష్టిస్తూ అమ్ముకుని.. కేసుల పాలయిన వ్యక్తి ఈ శ్రీనుబాబు గేదెల. అమెరికాతో పాటు పలు దేశాల్లో ఆయనపై కేసులున్నాయి.
వివిధ అంతర్జాతీయ జర్నల్స్‌కు పంపుతున్న ఆర్టికల్స్.. అమ్ముతున్న రీసెర్చ్ పత్రాలు.. అన్నీ ఫేక్ . సదస్సులు, సింపోజియన్స్, వర్క్ షాప్స్ లాంటివి ఏవీ నిర్వహించదు. కానీ ఆయా దేశాల్లోని ప్రఖ్యాత శాస్త్రవేత్తల పేర్లను కోట్ చేస్తూ పరిశోధన పత్రాలు మాత్రం రూపొందించారు. నిజం తెలుసుకుని ఆయా దేశాల్లోని అధికార వర్గాలకు ఫిర్యాదు చేశాయి. “అమెరికా ఫెడరల్ ట్రేడ్ కమిషన్” నెవడా డిస్ట్రిక్ కోర్టులో కేసు పెట్టింది. మెడికల్, సైన్స్ రంగాల్లో … ఓమిక్స్ అమ్మిన ఆర్టికల్స్అన్నీ ఫేక్ అని… ఆయా ఆర్టికల్స్ లో ఉదహరించిన నిపుణులు అందరూ తమకు సంబంధం లేదని తేల్చినట్లుగా..అమెరికా ఫెడరల్ ట్రేడ్ కమిషన్” ప్రాధమిక విచారణలో తేలింది. దీంతో ఫైన్ కూడా విధించారు.
అంతర్జాతీయంగా కేసులు నమోదు అయినా.. ఫేక్ ఆర్టికల్స్ ప్రచురిస్తున్నా.. ఇండియాలో మాత్రం ఆయన ఎలాంటి కార్యకలాపాలు నిర్వహించారు. అయితే ఇటీవల ఆయన వైసీపీ నేతలకు బాగా దగ్గరయ్యారు. వారికి సంబంధించిన డబ్బులేమైనా మనీలాండరింగ్ చేస్తున్నారో లేదో ఈడీ తేల్చాల్సి ఉంది.
The post వైసీపీ నేత గెదెల శ్రీనుబాబుపై ఈడీ దృష్టి ! appeared first on తెలుగు360.